自由黨主席劉健儀殺入新界西開地區辦事處，位於天水圍天華邨新office已低調投入服務，呢個地區議辦同該黨區議員周永勤共用，周永勤同八方講，房屋署收貴佢哋租，質疑房署做法唔公平。
據周永勤稱，房署留畀議員開辦事處嘅單位一般公價租金4,000蚊，唔知點解卻收佢哋4,800蚊租，加租兩成，佢同房署講數後，署方減至4,600蚊，但仍然貴過其他議員，「面積一樣嘅單位，點解要貴幾百蚊？」
富貴黨身家厚，區區幾百蚊唔使咁計較啦！周永勤則指呢個係原則問題，房署冇理由歧視自由黨，而且做地區工作資源有限，如果可以慳番啲租金，即係有多啲資源做地區服務，對居民都有好處。