中電控股（002）噚日宣佈，做咗28年嘅財務總裁兼執行董事謝伯榮將會退任，將「財神」位交畀子公司OneEnergy嘅行政總裁高橋。
繼續留任執董
謝生會留任執董，繼續同總裁包立賢共事，日後主力搞內地業務。
市場人士估計，由於再過多3年謝伯榮就60歲，即係到咗要考慮退休嘅年齡，故今次調動，好明顯就係為咗退休鋪路。
華華就覺得，咁大間機構提早幾年搵定接班人，都算係負責任嘅表現。中電自己就話，今次變動符合管理層繼任人規劃喎。
睇番中電年報，謝伯榮喺港大畢業，之後去蘇格蘭深造，81年加入中電大家庭前，曾經喺倫敦同香港嘅德勤同太古集團做過。