七人欖球賽成為香港年度國際體壇盛事，吸引唔少外賓訪港，帶旺香港旅遊經濟，功德無量。
不過，立法會議員梁劉柔芬爆料，話因為康文署辦事官僚僵化，本來英格蘭超級聯賽著名足球隊有意喺香港舉辦球賽，最後都唔成事。
康文署唔識變通趕客
噚日，梁
噚日，梁太喺立法會討論振興香港經濟嘅會議上指出，康文署當英超球隊係本地球隊咁看待，要對方估計入場人數，以釐定球場租金收費，結果因為難以估計，嚟香港踢波嘅計劃就咁告吹。
梁太認為，康文署可以用一個固定價格，例如租場50萬元，方便吓呢啲國際級球隊嚟香港辦賽事。
佢又好肉緊，督促政府內部嘅商務及經濟發展局同康文署要好好溝通，研究點樣推動呢啲體壇旅遊活動。今年夏天香港冇英超睇，又幾可惜嘅。