兩大地產商賣樓反應佳，二手樓市又暢旺，地產股噚日有唔錯表現，政府公佈最新嘅失業率係5.2巴仙，比市場預期嘅數字略低，增幅放慢咗，如果未來一兩個月失業情況冇惡化，地產股應該會再做好啲。
中行C輪16604：中行（3988）昨收2.95元，升近5巴仙，股價連跌兩日後重返250日線之上，如果成交顯著增加配合升勢，應該可以突破3元關，並反覆推向3.50元。傳聞中行入圍首批試點銀行推行人民幣國際貿易結算，消息有利股價向上突破，可以諗吓隻C輪16604，現價39仙，有效槓桿4.1倍，正股升上3.50元，16604睇74.8仙，正股跌穿2.80元，就沽咗隻輪止蝕。
俊樺