畢傑兄上周五就搞我嘅法甲地盤，結果順利命中巴黎聖日耳門[-1]勝；今次就輪到小弟搞一搞畢傑兄嘅西甲地盤，博奧沙辛拿主場擊敗馬拉加，取得重要護級3分。
季初大家都睇死奧沙辛拿降梗班，不過呢支長期處於榜尾球隊，踏入2月開始生猛番晒，尤其是佢嗰北部主場，近6場贏足5場，不比巴塞、皇馬等勁旅遜色。奧軍上仗不敵艾美利亞，過程就認真欠運，老牌中鋒彭迪安尼84分鐘追平，原本諗住作客可以攞1分，點知畀對手前鋒尼格度完場前1分鐘入波，飲恨1:2。
奧沙辛拿強陣出擊
人腳方面，奧沙辛拿問題不大，除咗中場史堤芬辛尼外，可望強陣出擊，而且奧軍季尾亦要頂魔鬼賽程，連鬥西維爾、皇馬、巴塞等勁旅，今次唔主場攞3分勢係假。
馬拉加呢支升班馬一度打上前5位，不過近4仗只得1勝1和2負，上仗主場對中游分子馬略卡，都慘被迫和1:1。而且馬拉加位處西班牙南端，今次作客奧沙辛拿，差唔多由最南作客最北，就算今仗可望「夫添」，都靠唔住，早捧主W為妙。
串鹿角[-2]贏武裝部隊
同日就有亞冠盃分組賽，唔使問繼續追日本球隊；其中鹿島鹿角主場對新加坡武裝部隊，武裝部隊擺明唔夠班踢亞冠盃，鹿島鹿角「讓球主客和」要讓[-2]，而且得1.55倍，確實係狠，但仍然可作過關膽。而另一支日聯球隊名古屋鯨魚，作客紐卡素噴射機，鯨魚呢班波贏開就連贏幾場，唔贏又會連續幾場失分，上仗作客險勝柏雷素爾，係好開始，信佢可以連勝，讓得起平/半。文：牽牛
早飛王貼士
星期三9 奧沙辛拿vs馬拉加
首選：星期三9 奧沙辛拿勝（1.92）
次選：星期三9 奧沙辛拿和[-1]（3.7）
冷選：星期三9 奧沙辛拿勝2:1（8）
早飛倉
主菜：星期三9奧沙辛拿勝（1.92）@2,000
渾水摸魚過關：星期三1鹿島鹿角勝[-2]（1.55）x星期三2名古屋鯨魚（上）（2.04）x星期三9奧沙辛拿勝（1.92）3x1@500
今日早飛價錢：$2,500
上日賺蝕：+470
早飛倉結餘：$85,025
規則：$100,000本錢，每日買早報最多動用$5,000，最少$1,000，逢周二、五見報。
周中焦點
星期二4 斯里維加亞vs大阪飛腳
衞冕亞冠盃的大阪飛腳，在F組3戰全勝，只要今仗作客擊敗斯里維加亞，更可提早出線，以斯里維加亞3連敗兼失14球，如何抵擋客軍？
星期三18 巴塞隆拿vs西維爾
巴塞隆拿聯賽6連勝，周三主場對西維爾，為球隊踏入魔鬼賽程第一戰，以西維爾上仗作客也大敗予華倫西亞，料凶多吉少。