【第28屆金像獎餘波之眾怒難犯】無綫前晚轉播金像獎盛會時亂剪一通，把得獎人感受甚至兩度提及亞視的字眼刪掉，結果惹來觀眾網民狂轟，導演爾冬陞更炮轟無綫是奴才並說：「係下邊啲奴才自己揸主意刪剪。」無綫總經理陳志雲昨為處理失當致歉，並安排於昨晚《東張西望》節目補播已刪片段。
就無綫前晚亂刪金像獎片段一事，廣管局昨日接獲15宗投訴，而無綫方面亦收到19宗。原來，前晚無綫曾兩度將提及亞視的字眼刪掉，除刪掉鮑起靜答謝亞視員工部份外，當吳君如和曾志偉介紹鮑起靜時搞爛gag，君如說：「鮑姐係亞洲代表，亞洲電視嘅代表，勁呢？」全場爆笑。然後君如又稱無綫高層樂易玲必定會黑面，志偉即笑說：「唔會嘅，因為一定剪走咗㗎。」結果無綫真的將有關片段剪走。
下屆播映權再招標
爾冬陞（小寶）前晚在尖沙嘴山林道一食肆為出爐影后鮑起靜舉行慶功宴，對無綫將鮑姐答謝亞視的謝辭刪走大感不滿，並開腔炮轟說：「我唔相信邵逸夫同方小姐會咁小器，係下邊啲奴才自己揸主意刪剪，驚死！呢個係電影盛事，唔係無綫節目，係畀得獎人講出感受，在座好多委員都感到不滿，之後會開會討論，樂易玲都係ATV出身啦。」
金像獎主席陳嘉上出席大會慶功宴時也說：「都收到啲投訴話有啲地方剪咗，總之每年都會cut啲，過後我哋都會再檢討，不過今屆金像獎之後我哋同TVB合約已經完咗，之後會公開招標。」
不過，身為當事人的鮑姐對被刪謝辭一事甚看得開，她覺得在商言商無綫是有權這樣做，她也認同亞視今次是吐氣揚眉，因她與張家輝、陳麗雲都是亞視出身。
陳志雲願公開道歉
陳志雲昨日出席商台活動，對無綫亂刪金像獎挨轟一事回應說：「我相信都係時間問題，會同公司了解以及同金像獎賽後檢討，我唔相信同事因為講亞視就剪咗，咁做好唔正確，我冇下達任何訊息要佢哋剪，如果有處理不當，內部會做番啲嘢。」
問陳志雲會否向小寶及鮑姐等人道歉？他說：「如果當中有誤會，我唔介意道歉，希望大家唔好唔開心。」可擔心令人覺得無綫小器？他說：「我有呢個憂慮，所以要澄清，同埋安排番播出。」結果昨晚《東張西望》即補鑊播出頒獎禮中遭刪去的片段。另外，前晚金像獎平均收視28點，有178萬觀眾捧場。
採訪：何永寧、魯萍、何慧斯
攝影：黃偉雄、林德雄
最差剪接實錄
無綫胡亂刪剪金像獎片段惹公憤，嘉賓發表得獎感受被刪，樊少皇爆粗、田雞搞爛gag卻照播如儀，結果遭網友戲謔為最差剪接。
◆劉美君頒獎時寸新人說：「家好多新人都係泥，仲要係爛泥扶唔上壁。」
◆吳君如與曾志偉介紹鮑起靜時搞gag：「佢係亞洲電視嘅代表。」
◆洪金寶寸成龍：「佢講嘅嘢唔代表七小福，佢講其他嘅嘢都唔代表香港人。」
◆獲頒終身成就獎的蕭芳芳向丈夫張正甫致謝時笑說：「老公你有冇瞌眼瞓呀？」然後其女兒上台的場面也遭刪掉。
◆學友和憶蓮獻唱已故巨星張國榮和梅艷芳的合唱歌《緣份》。
◆鮑起靜奪影后獎向亞視同事致謝，但被無綫刪剪。
◆廖啟智在台上領最佳男配角獎時說：「喺度好感謝我上帝畀我有演戲嘅恩賜。」
資料來源：《蘋果》資料室
