華華終於等到屢敗屢戰嘅港交所（388）董事候選「烈士」朱國柱e貓回覆，佢好有自知之明話，政府對港交所董事局有強烈支配性，佢應該陪跑居多，但希望藉參選叫大家諗諗4個問題。
港交所要有真正獨董
首先，佢認為上市公司必須要有「真正」嘅獨立董事，即係唔應該由主要股東提名。佢話港交所董事必須徹底改革以維持競爭力，又認為政府應該委任有豐富國際經驗嘅市場人士監察港交所。
最後烈士仲炮轟另一候選人陳子政（TC），話TC喺07年前貴為花旗銀行（香港）舵手，當時花旗有份賣雷曼迷債，所以欠全港雷曼苦主一個交代，仲話榮太子同范鴻齡都因為中信泰富（267）炒燶Accumulator而金盤洗手，TC有咩資格做港交所董事先？
烈士咁有抱負，唔知會唔會爆冷呢？