Porsche保時捷選擇於上海車展前為旗下全新四座跑車Panamera作全球首發。發佈會日前於亞洲最高建築物上海環球金融中心94樓舉行，優越感及高人一等心態昭然若揭。作為品牌旗下首部四座GT跑車，廠方花心思做Noise兼夾足Timing，從廠家雲集的車展中成功引人注目。
記者、攝影：梁美甜
部份相片：PorscheAG
SpecialThanks：PorscheCentreHK
入門400匹
Panamera標榜兼具跑車及豪華房車優點於一身，結合跑車性能以及駕乘舒適性，會提供三個車款，分別係PanameraS、Panamera4S以及PanameraTurbo。首先推出市場係頂級V8車型，緊接係V6車型，廠方更透露未來更會推出混能車型！展出嘅係入門版PanameraS，動力系統與Panamera4S一樣但就配備PDK波箱及PTM引力控制管理系統，配合主動四輪驅動系統，極速可達282km/h。兩者都採用4.8公升V8引擎連DFI系統，新科技提供高能耐動力核心、低磨擦驅動系統同埋輕化車體，令排廢量及耗油量大為降低。頂級版PanameraTurbo則換上雙渦輪增壓，最大馬力輸出高達500hp，0-100km/h只需4.2秒，極速更達303km/h，強悍得很。
定價遠低估計
知道波子出四座GT跑車的人，由行家到用家無不估計價格約180萬至200萬起，但竟出乎意料地，$1,485,000起就可以買起超跑名氣、超跑性能。而頂級Turbo版則由$2,263,000起。代理表示截至發佈會當日，單係香港都已經有40多張定單，香港的新車發佈時間要到9月，最快年尾收車！
波子方面表示，新車有唔少於5項「首次」，包括首次於高性能豪華車中採用雙離合器傳動系統、首次搭配自動波箱提供起動及停止系統、首次為車主按個人需要而為每個車輪彈簧提供額外充氣量的全新自動適應氣動懸掛系統、首次裝備於PanameraTurbo的主動空氣動力學組件及隨車速進行多級調節的後擾流板、首次為四座跑車選配SportChrono組件，採用源自跑車的啟動輔助器，進一步提升性能動力。
PorschePanameraS規格
引擎：4,806ccV8
馬力：400hp
傳動：七前速PDK雙離合器波箱
極速：283km/h
售價：$1,485,000起
查詢：PorscheCentreHK（29262911）