去年6月同法裔富商ArpadBusson訂婚嘅荷李活女星奧瑪花曼（UmaThurman），近日盛傳好事近。據《People》雜誌報道，佢兩個上星期飛咗去巴哈馬一個高級度假區，隨行仲有一班好友，唔似度假咁簡單。雜誌仲收到風話佢哋會於日內喺當地低調結婚。有指巴哈馬有個規矩，就係想於當地結婚，必須要先於當地逗留兩日，所以奧瑪同男友上星期已飛往當地打點。