英國經濟初見回穩，曾帶領英倫銀行走向獨立之路嘅前行長喬治（EddieGeorge）爵士卻喺上個禮拜六與世長辭，享年70歲。金融界又一夥彗星殞落！
帶領央行獨立
喬治62年加入英倫銀行，喺央行度過41個寒暑，93年任行長，03年退休。一生中最為人津津樂道就係97年帶領央行獨立，令英倫銀行可以自行決定利率走勢。
喬治處理過嘅問題都相當棘手，擔任副行長時，英鎊被大鱷索羅斯狙擊，被迫脫離歐洲滙率機制（ERM）；做行長時又遇到霸菱銀行倒閉，好在佢夠機警，成功令霸菱以1英鎊賣畀ING，先可以避免更大災禍。佢喺2000年封爵，04年更獲授終身貴族名銜。
英國首相白高敦更讚喬治係世界上最偉大同最受尊敬嘅行長之一。