灣仔區區議員李繼雄詐騙罪成入獄，議席出缺或要補選，被指有意出選嘅地鐵縱火案英雄、社民連季詩傑噚日出席公民黨喺銅鑼灣行人專用區搞嘅論壇時，廿幾位社民連「紅衫軍」殺到捧場，幫呢位兄弟鼓掌、鬧人、舉標語造勢，令到在場唔少溫和民主派成員難以招架。
季詩傑噚日發言時，亦不時黨主席毓民上身，詞鋒辛辣之餘，又不忘寸吓死對頭公民黨，又叫同場嘅民主黨員過檔加入社民連。季生口才咁犀利，原來過去曾經做過灣仔助理民政專員、經濟發展及勞工局助理秘書長、前衞生福利及食物局助理秘書長。唔知點解，好多公務員做官時唔聲唔聲，離開政府之後先嚇你一驚。