美股道指上禮拜五微升5點收市，全周升0.6巴仙，係連續第6個禮拜上升，不過MACD持續轉弱，8200關阻力不輕，暫時唔容易突破，7800係短線支持位，不容有失。
花旗股市冇大變，港股今日多數炒個別，近日兩大地產商賣樓嘅成績唔錯，如果個勢keep得住，地產股有機炒一轉，可以留意。
中鐵C輪16483：中鐵（390）上周五收5.02元，跌2.9巴仙，股價連跌兩日，現價接近位處4.97元10日線嘅支持，呢個位應該守得住，可以吼位收集C輪16483，博正股升上6元，隻輪現價1.09元，有效槓桿2.8倍，正股升上6元，16483有機會見1.76元，正股跌穿4.70元，就沽咗隻輪止蝕。
俊樺