事隔20年，陳清華仍清楚記得，六四後他離開北京前的一個承諾。「無論廣場、醫院、機場，都有人叫我記得將見到嘅嘢，要返去同人講。」上機前他接受海關檢查，還擔心關員充公他們的菲林，誰知對方竟是提醒他們，要把菲林收好一點。
當年同窗早已不談六四
這些年來，陳清華都有履行承諾，到學校演講，參加支聯會的講座，最近還到香港大學出席論壇，與港大學生會會長陳一諤等學生辯論。他說，其實很怕重提當時細節，回想起幕幕的畫面，「但為咗死去嘅同伴，呢個係我嘅責任。」他說，近年參加講座，不時「同人嗌交」，又有跟左派有聯繫的朋友，叫他回內地看看現在中國的發展。
「我嘅答案係，我知道，但呢啲同（六四）嗰件事無關。」他說，儘管中共官方對六四的定調已由「反革命動亂」變成「政治風波」，民建聯創黨主席曾鈺成近期也說北京鎮壓學生是錯誤，但他至今仍無法釋懷，「到今日，仍然冇人出嚟為當時嘅決定道歉，冇人嘗試補償受難者嘅痛楚，成件事冇了結過。」
當年上京支援學運的香港同學中，有的因為在政府工作、有的因為在內地做生意等各種原因，早已不再談論六四，但陳清華說：「我會繼續講真相，等有足夠嘅人知道件事。你可以選擇緘默，選擇唔講真心話，但你要知道真相係點，最恐怖嘅係，真相被遺忘。」
直到今天，他的傳呼機和手提電話號碼，都有8964這組數字。
本報記者