蔡卓妍（阿Sa）近日單拖出碟，新碟推出後，好姊妹鍾欣桐（阿嬌）給予最大動力和支持，又送上冷衫鼓勵，難怪提到緋聞男友鄭中基無任何表示時即大發嬌嗔。
今年蔡卓妍出任《饑饉三十》的「饑饉之星」，前日她由北京返港即出席開幕儀式，身體力行與營友一同捱餓，晚上阿Sa出席在香港仔運動場的分享晚會，與在場營友分享尼泊爾的探訪活動。由於舟車勞頓加上捱餓6至7個鐘，難怪阿Sa坦言有點累。
聞送內褲面紅
對於單拖出碟，阿Sa直言有壓力，更不敢向公司問銷量，但同事向她透露成績不錯，阿Sa說：「之前試過擔心到瞓得唔好，諗埋一邊仲搞到頭痛，但家信心係大咗，上台演出都會鎮定啲。」阿Sa透露這段時間獲不少好友SMS支持，其中最大動力是來自好姊妹鍾欣桐（阿嬌），阿Sa說：「佢當初知道我一個人出碟，都好支持我，仲送冷衫畀我。」
但問到緋聞男友鄭中基（Ronald）有沒有任何表示？阿Sa直言沒有。問是否等他送上靚靚內衣褲？她聞言即面紅說：「我夠着，唔使佢送。」阿Sa希望和阿嬌及一眾朋友唱K慶祝一下，會否另外和Ronald慶祝？阿Sa說：「我冇咁多時間，咁叫佢一齊唱K，唱K可以好多人一齊玩。」
阿詩唔見衞蘭
另外，何韻詩和農夫、陳偉霆（William）、胡杏兒及G.E.M.等，昨日到饑饉現場為營友打氣，問到昨晚要擔任金像獎司儀的何韻詩綵排時有沒有見到衞蘭（Janice）？她說：「冇見到，總之佢要面對好大壓力，大家畀空間佢。」至於有指Janice應要飛往日本支持涉藏毒被控的孖妹衞詩（Jill），但唱片公司卻不放人，阿詩表示Janice在港難集中精神，相信放數天假期並不為過，但一切有待其公司安排。
採訪：馬建華
攝影：陳順禎、陳志嵐