【本報訊】香港電影金像獎頒獎典禮昨晚舉行，成龍的奴才言論成為嘲諷目標，司儀曾志偉、毛舜筠均暗寸成龍，連擔任頒獎嘉賓的成龍兒子房祖名也不忘自嘲「我唔想我哋亂講嘢」。
成龍的好友曾志偉昨日出席荃灣一活動時，被問到會否撐老友，志偉即語帶無奈地說：「點撐呀？呢件事好難呀！」曾志偉形容成龍間中會有「零件失靈」情況，所以十分懷念成龍有前經理人陳自強陪伴的日子，「因為邊啲講得、邊啲唔講得，陳自強會事先過濾。成龍唔識講嘢，表達能力又有問題。」他又稱，成龍回港後會跟他檢討其言論。曾志偉認為藝人根本不適宜談政治：「因為牽涉太大，同埋『自由』呢兩個字太深，好多時會講多錯多，所以都係少講為妙。」
曾志偉昨晚擔任電影金像獎頒獎典禮司儀時，更與拍檔毛舜筠一唱一和，暗寸成龍亂講說話。曾志偉指毛舜筠像林鳳嬌（成龍妻子）般靚女，毛舜筠聞言即謂：「你亂講嘢，咁似成龍嘅？」曾即笑道：「噚日啫！」連擔任頒獎嘉賓的房祖名出場時亦不忘自嘲：「我唔想我哋亂講嘢。」
洪金寶批評成龍 片段遭刪掉
成龍昨日身在內地未有出席頒獎禮，令房祖名成為傳媒追訪焦點。對於父親失言，房祖名說：「唔好斷章取義、唔好針對，爸爸講嘢係大聲啲，唔好因為咁而向佢開刀。佢份人心直口快，台上台下都係同一個人。」記者問他可認為香港和台灣太自由？房祖名說：「冇所謂，只求開心。」可認同父親的說法？他說：「係認同家人同中國人。」
昔日七小福大師兄洪金寶，昨晚聯同其他師兄弟任金像獎頒獎嘉賓，但欠成龍。洪金寶出場後笑指師弟成龍可能驚講錯說話而未有出現，又指成龍所講說話不代表七小福，也不代表香港人，但此段說話卻遭無綫刪掉。