上周華倫西亞前鋒桑馬達88分鐘入波，3:2擊敗希杭，幫我開出個「總入球」5球，總算為本欄帶來微利；既然貼「總入球」順，今次決定向洛辛堡主場對奧特格寧蘭埋手。
挪超踏入第5周，不過足智彩已對洛辛堡同奧特格寧蘭嘅攻力好有信心，「大細」中立數開到3.5球；咁又難怪，兩軍今季之前4場聯賽，都開出3「大」1「細」（中立數為2.5球），睇嚟今仗都大演入球騷；不過博2.15倍「大」，又似乎唔啱大茶飯口味，洛辛堡4場波開咗1次「總入球」6球，奧特格寧蘭就開咗兩次，「總入球」6球有9倍，可做冷腳。波膽方面，洛辛堡主場威力咁強，奧特格寧蘭失波數字亦高，揀主隊贏4:2同5:1，各有26及24倍分頭。
日乙比馬炒得起岐阜
日乙除咗大板櫻花，湘南比馬都係近期愛隊；同櫻花唔同，比馬入球力唔高，不過勝在防守穩健，今季7場勝仗中，有5次係贏波兼保不失；今次主場對近4仗只得1和3負嘅FC岐阜，3分應該冇問題，博比馬又淨勝對手，取2:0同3:0兩個波膽，2.25倍「主勝」當然都可以揀。
今日拍住戰友藍鑽石，畀面佢揀場意甲，博洛尼亞剛炒教練米赫洛域，柏柏杜佩路接手，通常換親教練，點都攞到多少分，巴勒莫上仗就迫和國際米蘭，係威係勢，但呢班波絕不正氣，放一分畀「博洛」唔奇，揀5.4倍[和/和]。文：牽牛