今年1月底榮升媽咪嘅韓國女星金喜善，早前以索爆身形復出，為佢嗰本分享大肚同湊B心得嘅書《金喜善的快樂媽媽計劃》舉行簽名會。本書嘅靚相近日曝光，善姐好鬼貪靚，除咗扮可愛米妮老鼠同小紅帽外，佢仲擺有錢老公朴駐英上枱，要佢半裸晒肌肉幫本書谷銷量。貌似宋承憲嘅朴駐英，仲喺泳池陪當時肚大如籮嘅善姐做產前運動，表現體貼。