今日眾拍檔都冇推介美職，小弟姑且在此一試。科羅拉多急流開季賽序不利，頻頻作客唔兵疲至奇，周日作客未開齋嘅侯斯頓戴拿模，怕且要兵敗而回，喺度唔主打吼熱W，博冷膽，就吼23倍嘅3:2。
急流開季一啲都唔流，計埋美職同埋美聯盃，近5場波有4場係作客，都只係輸過一場咁大把，射手卡斯真係「弗」爆，近3場入4球，包括對銀河連中三元，仲有甘明斯同哥連奇勒喺二傳方面都有好表現，照睇主將咁勇，對任何球隊都有力抗衡。話雖如此，一來起勢作客周圍飛，點都會消耗，最重要係侯斯頓戴拿模擺明係勁旅，程拜仁、雲度路斯基同巴特戴維斯都有一定份量，季初唔掂因為慢熱啫，今次返主場，話唔定即刻反底。睇埋往績，你會發覺戴拿模往績食住對手，而近季呢個賽序連續4次開大波膽，就追4場都未開過嘅3:2。
冷吼科大[半勝]
我喺葡超大勢有提到波圖作客「科大」有暗湧，吼「主勝」同1:1；所謂一沉百踩，波圖失意歐聯確損士氣，喺度推介埋「半全場」。「科大」咁勇，最後會唔會贏埋就唔知，[半勝]就真係諗得過。好喇，呢版係意西版，雖然上面提過好多場意甲，但都補充吓羅馬贏萊切嘅波膽。羅馬近年周不時贏對方3:1或3:0，對方搶分護級加埋羅馬有麥薩斯同彭路基停賽，應該會失波，所以取3:1。文：藍鑽石