女星嘅樣貌同身材係永恒不變嘅賣點，三色台姐仔「牛胃」因為衰貪靚，成日嫌自己包包面上鏡唔好睇，於是去打瘦面針，搞到塊面邊大邊細。
慳錢惹禍
關仁聽講牛胃早排識咗個醫生男友，不過男友近年開咗間醫療中心，所以都變咗半個商人，好少親自幫病人睇症。佢知道牛胃好想瘦面，於是四出向行家撲瘦面針嘅藥番嚟，諗住親自幫牛胃打針，一來可以增進兩人感情，又唔使女友出去打針咁張揚，仲可以慳番筆。
醫生男友因為冇打呢啲針嘅經驗，搞到牛胃塊面邊大邊細，佢好鬼內疚，仲話會錫牛胃錫到燶。關仁覺得呢個故事真係教訓人便宜莫貪，自然美遠勝一切！
Textby關仁
