進軍5冠王的曼聯，周日進行「第3擊」，在英足盃準決賽，於中立場溫布萊球場面對愛華頓；曼聯應付連場大戰，身心疲憊不堪，面對養精蓄銳打今仗的愛華頓，法定時間難贏，宜博「讓球主客和」「客勝」。（球賽編號：星期日36；now671台今日11:00pm直播）牽牛
曼聯上周中淘汰波圖，晉級歐聯4強，而球隊已奪得世冠盃及英聯盃，並向英足盃、英超及歐聯3線進軍，博歷史性的5冠王；不過連場激戰，加上已有兩盃在手，曼聯領隊費格遜賽前也坦承，球隊的飢餓感不及愛華頓。
朗尼傷足踝難倒戈
據英國傳媒報道，前鋒朗尼上仗對波圖弄傷足踝，今仗或未能向母會倒戈，以其餘兩位前鋒貝碧托夫與泰維斯近期腳風僅一般，紅魔鬼攻力大受打擊。
而且曼聯尚要分心3線戰線，周三就要在英超快車中，主場鬥樸茨茅夫，預計曼聯今仗起用史高斯，朴智星等近期較少上陣球員，而加利尼維利、拉菲爾達施華等亦可望復出。無疑曼聯近季交手都「食硬」愛華頓，不過今季聯賽首回合交手，愛華頓便主場迫和曼聯，為今仗建立信心。
溫布萊爛地利愛軍
愛華頓今仗陣容其實亦不算完整，近期大勇的前鋒祖奧不合上陣資格，另一前鋒沙夏上陣成疑，未必可倒戈，連同阿迪達、耶高保等長期傷兵，拖肥糖只能「地莊」應戰；欠缺前鋒，領隊莫耶斯甚至要將卡希爾推上打箭頭，費蘭尼則後上支援。不過以愛華頓目前英超排名，前6名來季歐協盃資格已十分穩陣，今仗可算是球隊餘下賽程中，最重要一仗，決心不成疑問，加上亦有足足一星期的休息時間備戰今仗。
另外，溫布萊球場連打兩場準決賽，上周六已舉行完車路士對阿仙奴一戰，本身溫布萊球場的草地已被批評甚爛，經過一場激戰下，草質料更差。以愛華頓擅打高空轟炸下，草地環境差，對他們更有利，更易於防守；法定時間有力保不敗，2.1倍「客勝」值博。
星期日36
曼聯vs愛華頓 1：1
半全場：和/和
盤口：曼聯[-1]
讓球主客和：A客勝
賽制：英足盃準決賽在中立場溫布萊球場進行，賽事採一場過分勝負，法定時間和波則加時30分鐘；加時再和則互射12碼分勝負。
《花絮》
紅魔粉絲執法
周日愛華頓鬥曼聯之戰，最緊張嘅都係拖肥糖領隊莫耶斯，事關足總決定起用萊利頂替因病嘅班尼特負責執法，而有傳萊利係紅魔粉絲，以往執法愛華頓時亦有爭論點，所以莫耶斯好關心呢位球證水平會唔會再次不利拖肥糖。
C朗代言汽油
基斯坦奴朗拿度今季比較去季明顯跌watt，但無阻商業品牌搵佢成為代言人嘅機會，最近呢位曼聯球星就同汽油公司簽下一紙兩年嘅贊助合約，成為品牌嘅「環球大使」，可謂豬籠入水。
曼聯攞定決賽門票
曼聯對於準決賽贏愛華頓嘅信心相當大，從球會已經向足總提出要分配更多決賽門票就知。不過，足總方面就否決咗紅魔嘅要求，只會按原有比例，每支決賽球隊只獲分配25,000張門票，其他40,000張會留畀溫布萊會員同其他社區組織等。不過，紅魔要分配呢25,000張決賽門票，都先要過愛華頓呢關至得。