今年9月開學嘅孟加拉亞洲女性大學（AsianUniversityforWomen）宗旨係為發展中國家女性提供高等教育機會，令佢哋憑知識改變命運。英國前首相夫人彭雪玲（CherieBlair）來港出席一個大學籌款活動，彭雪玲細個時父親走佬，全靠母親供書教學，令佢成為家中首個讀大學孩子。
彭雪玲話細個時志願係做英國首位女首相，後來戴卓爾夫人上台，佢退而求其次想做首相夫人，呢個志願終於達成。彭雪玲話好喜歡香港，1980年佢同貝理雅結婚後去蘇格蘭度蜜月，但嗰度天氣唔好十分掃興，兩人後來東來泰國、香港再度蜜月，享受陽光海灘兼購物樂趣，至今難忘。