上期提到唔少球會網站將佢哋嘅波衫大減價,希望季尾平價散貨,而日前亦到過旺角行一轉,睇吓邊啲波衫值得入手。剛剛喺歐聯碰頭嘅利物浦同車路士嘅作客波衫都齊齊減價,尤其紅軍件灰色客場,已經跌價到249蚊。其實呢件灰色撞紅邊以前已經出過一次,但以呢種色為主嘅波衫的確好少有,加上撞紅色3間,都算幾好睇,入貨時機。至於車仔件黑色作客亦係相同價錢,但如果唔係忠實車仔球迷的話,不妨諗吓件皇馬歐聯作客,話晒多個西班牙國旗章同歐聯星星波章,都只係賣緊280蚊咋!
今期推介浦和紅鑽對住作客唔及主場嘅京都不死鳥,贏面好大。
主客和:浦和紅鑽勝
心得:新星原口元氣要留意
近5場往績:DWLLL
戰鬥員A
同足球有關嘅周邊物品都鍾愛,賭波就專攻日職聯。