當年畢業後因為好景，冇急住搵工，走咗去旅行，首先去咗帛琉，因為貪嗰度可以同冇毒嘅水母一齊潛水。不過行程真係幾辛苦，先要考個初級潛水牌，然後喺凌晨4點起身，爬上死火山，到達有冇毒水母嘅鹹水湖，名副其實攀山涉水，但真係好好玩，啲水母又好靚。我慶幸一畢業就作出帛琉之旅，因為換轉係家，真係冇咁嘅膽量同魄力，家唔係豪華團或者係好悠嘅自由行，都唔使預我。
好彩喺推介足球方面，我依然咁有膽量，人人都話車路士換咗軒迪克掌帥之後好勁，又話對住利記嗰兩場歐聯係代表作，我就唔信佢哋星期六喺英足盃鬥阿仙奴時可再下一城，一於捧受讓嘅兵工廠。
讓球：阿仙奴（下）
心得：阿仙奴對賽唔失禮
近5場往績：LWLWW
吾中
買嘢講名牌，但賭波一定唔會做名牌奴隸嘅大聯盟女神。