前幾日睇咗《禮儀師之奏鳴曲》，呢套戲真係好睇，讓人重新認識死呢樣嘢，而且仲有笑位。大部份人將焦點放喺男主角本木雅弘身上，話佢點好點好，但我就比較留意飾演佢老闆嘅山崎努，事關我之前睇過佢同山下智久、堀北真希合演嘅日劇《欺詐獵人》，呢個年過70嘅伯伯真係好戲。除咗山崎努，我亦好欣賞另一位殿堂級演員緒形拳，好戲得嚟又夠型，拍落竹野內豐度都唔輸蝕，而且望落去亦唔似70歲，可惜佢喺舊年10月因病與世長辭。
上個禮拜推介廣島三箭，結果呢支升班馬冇令我失望，幫我攞番個W，今次再追，撐佢哋作客贏新潟天鵝。
讓球：廣島三箭（平）
心得：三箭3線都識入波
近5場往績：WLLWW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。