一班亞視藝員昨日在亞視大埔總台扮鬼扮馬宣傳新一輯《開心大發現》，並邀請了嘉賓張文慈（Pinky）、吳亭欣、黎燕珊示範多種新發現遊戲，穿上背心牛仔褲的吳亭欣參與「無影凳」遊戲，幸好力保不失沒有走光。
「要據理力爭」
日前《飲食天王頒獎典禮2009》上o靚模羅凱珊（Kama）助手霸佔Pinky的座位，昨日問到此事，Pinky說：「我諗佢仲新，好多嘢唔識，到佢學識尊重人，尊重自己，我諗佢應該會前途無可限量。」談到現今新人未紅先驕，Pinky說：「模特兒界同電視台唔同，我哋辛苦少少，自己係演員出身體驗過辛苦，會識得珍惜。以前我哋係新人會自動波，基本上唔會發生呢件事，人哋一行埋嚟就即刻自己彈開。」最後Pinky再次重申立場說：「我嗰日要據理力爭，係因為嗰個係上鏡位，我要配合製作，係逼不得已先咁做，其實我都唔想搞到咁尷尬。」
採訪、攝影：楊潔雯