蘋果波神揀咗重心場次川崎前鋒醒大家，對日本波有啲研究嘅我當然唔執輸，上個禮拜我中咗山形山神作客大分三神開[和/客]，今期再玩半全場，博愛隊廣島三箭作客新潟天鵝開[和/客]。
今屆日聯啲升班馬都幾搶鏡，山形山神固然係醒，但三箭仲堅，場場入波，唔單止中前場嘅柏木陽介同佐藤壽人有料到，後面嘅槙野智章一樣咁勁，5場聯賽入兩球。
天鵝開季表現好，主場仲贏過力爭3連冠嘅鹿島鹿角，但整體實力始終唔及三箭，呢場半場博和，全場要三箭W，取有6.5倍的[和/客]。至於波膽要揀三箭贏3:2，話晒三箭攻強守弱，加上天鵝前線嘅矢野貴章始終唔能夠忽視，有26倍咁好分，諗得過。
至於柏雷素爾主場對名古屋鯨魚，鯨魚今屆表現都幾人失望，除咗新簽射手達維外，其他幾位主力好似小川佳純同今場因傷缺陣嘅玉田圭司等都冇乜料到。主隊柏雷素爾今屆7場和咗5場，雖則欠贏波板斧，不過就係輸唔到，冷冷哋博個[客/和]，有成14倍。
再追多蒙特3:3
近排追過幾次多蒙特開3:3，今次再嚟。雖說呢支前德甲冠軍連贏3場，而且喺聯賽仲入咗成43球，但講到守力始終麻麻。波琴射手施斯達克重拾久遺了的射門觸覺，上場連中三元助球隊大勝賀芬咸3:0。你話佢哋要喺主場同多蒙特打和3:3，真係唔係冇可能，40倍博得過。
文：青蛙仔