每日由調景嶺坐公司車入將軍澳工廠區，例牌途經年尾會舉行東亞運嘅氹仔場。每一次，我都有份不安感覺……
盛傳劉翔有機會嚟參加東亞運，先唔好講個氹仔場冇可能同鳥巢比，大家知將軍澳有個堆田區，附近一刮大風異味隨即源源奉上，你話一個唔覺意整親（臭親）劉欄王，「傷」到國寶，呢個罪邊個孭？講完笑，最擔心仲係個場外面就係迴旋處，假如日後辦球賽，波來波往唔覺意飛出馬路，影響交通就大吉利是。喂，入工廠區條路一塞車，我哋就好大鑊，求神拜佛咪靠害。講番波，卡利亞里個氹仔場聖艾利亞唔利我，今次調轉槍頭撐拿玻里。
讓球：拿玻里（下）
心得：老鄧領軍後未輸過
近5場往績：LWWWL
藍鑽石
與簡拿華路同日出生嘅囡囡入學，今季大把時間睇波，尤其係意甲。