澳門又派錢，乜都唔做，最佳籠絡人心方法莫如派錢，香港人得個恨字；不過福利社會未必係好事，懶人只會越養越多，我放假喺youtube睇番《星期日檔案》其中一集講隱蔽青年，班主角都幾得人驚，日瞓夜瞓，飯來張口，唉，對呢類人真係無話可說，如果每年人人有6,000蚊收，呢類人一定會大增。
其實辛勤工作後消遣吓，買幾十蚊波馬邊睇邊打氣，都幾爽㗎；好似我哋同事彭sir，間唔中博中大冷波膽大冷連贏，請全組同事食吓嘢，不知幾盞，今日又繼續博吓大冷波膽，重心選川崎前鋒，希望輪到我請客。
迪加史卓普有冷味
論人腳，川崎前鋒肯定屬前列幾隊，尤以中前場，但暫時未必令捧場客咁稱心，可能是季初未真正上力而已，但月初能夠在亞冠盃作客贏中岸水手5:0，已知班波順起上嚟唔係嘢少，小弟發覺佢哋每逢亞冠盃後多數失準，但今天迎大宮松鼠冇呢個憂慮，又可發揮超強攻力，博贏3:1、4:1唔偏鋒兼有分頭。
次選，仍不放棄荷甲尾2的迪加史卓普，今迎格羅寧根分頭仍佳，但查近3戰主場2勝1和，近5戰作客曾大敗予阿積士，但不足為辱，一贏波即可擺脫降班線，爭勝動力強；對手格軍排第6唔上唔落，仲有4周亦很大機會以此位置過終點，唔值熱捧，睇吓以色列射手賓沙夏能否連續3場喺主場替迪軍立功。
文：蘋果波神