早兩日凌晨5點幾打開電視，播緊個「空氣結他」嘅比賽節目，畢傑才疏學淺，一聽到呢個咁有趣嘅名詞，於是俾佢吸引到。點知坐足半粒鐘都未入正題，跟住先有一大班所謂結他手出場，我就睇埋落去睇你哋搞邊科。
原來所謂「空氣結他」，就係背景播住啲結他同音樂，然後個演出者喺度「扮彈」，其實手上面根本冇結他。學啲評判話齋，勝負分野第一係講感覺，其次先講技術；睇見啲參賽者「扮彈」個陶醉樣，同埋扮晒掉結他嘅激相，咁就嘥咗我粒幾鐘嘅瞓覺時間。最後由美國大熱嘅C.Diddy勝出，講真我唔識分邊個勁，我淨係知普利茅夫今晚會好勁。
主客和：普利茅夫勝
心得：主隊要護級嘛
近5場往績：LWLLW
畢傑
哥連泰斯將是朗拿度嘅最終站，但無論呢個死肥仔去到邊度，我永遠最愛係佢。