上半季我同桑坦德甚有緣，唔明下半季點解佢同我會唔啱key，對貝迪斯領紅打少個，我唔想以呢個為藉口。好彩拍檔牛兄近期「弗」到無倫，佢周二揀嘅大阪櫻花中正4:1波膽，勁！畢傑今期揀法甲巴黎聖日耳門，主場淨勝勒哈弗爾兩球或以上，1.77倍「主勝」放心捧。
聖日耳門周四雖然啱啱應付完歐協盃8強次回合，仲要作客烏克蘭嘅基輔戴拿模咁遠，好多球迷都會擔心舟車勞頓嘅問題。不過睇聖日耳門班波，似乎唔多重視歐協盃，寧願留力喺聯賽好過；好似8強首回合咁，就算主場對基輔都收起晒古利同馬基列尼等主力，我估次回合兩位老將都唔會上陣。
勒哈弗爾降硬班
法甲爭標形勢大亂，里昂都成日失分，俾馬賽霸咗個榜首；聖日耳門雖然排第6位，但距離馬賽都係差5分，邊個攞聯賽冠軍都未知。至於射手基士文同守將森美查奧爾又已傷癒，另一前鋒賀拉奧同樣大勇，加埋爭標戰意，我估可大炒對手。最好嘅係場波安排喺周日踢，聖日耳門可以唞多日。
榜尾勒哈弗爾基本上冇得救，31戰得21分，少尾4嘅卡昂有成10分，屬降硬班嗰隻。睇佢哋作客里昂、馬賽、里爾同波爾多等全部輸兩球或以上，聖日耳門個1.77倍「主勝」好穩陣。
推日聯勁再博心跳
既然我同牛兄近排日本波成績唔錯，配腳就繼續玩。周日磐田山葉雖則有主場之利，但呢班波自上季勉強留級後，實力仍然同其他日聯隊有距離，何況入咗4球嘅首席射手基仙奴停賽，上場連市原都贏唔到，就知近況好差。客軍清水心跳可「夫添」，永井雄一郎已傷癒，捧1.9倍W。文：畢傑
早飛王貼士
星期日43 巴黎聖日耳門vs勒哈弗爾
首選：巴黎聖日耳門勝[-1]（1.77）
次選：巴黎聖日耳門[半勝]（1.75）
冷選：巴黎聖日耳門勝4:0（14）
早飛倉
主菜：星期日43巴黎聖日耳門勝[-1]（1.77）@$1,000
渾水摸魚過關：星期日1清水心跳勝1:0（6.5）x
星期日43巴黎聖日耳門勝4:0（14）2x3@$100
今日早餐價錢：-$1,300
上日賺蝕：+$1,750
早飛倉結餘：$85,755
規則：$100,000本錢，每日買早報最多動用$5,000，最少$1,000，逢周二、五見報。
周末焦點
星期六54 阿仙奴vs車路士
兩軍剛齊齊進身歐聯4強，但論出線過程，阿仙奴淘汰維拉利爾較輕鬆，車路士則硬拼利物浦。尹佩斯於聯賽首循環梅開二度反勝車仔，今役會否在英足盃4強再當財星？
星期六68 祖雲達斯vs國際米蘭
意甲榜首大戰。祖雲達斯即使已落後國米10分，但教練雲尼亞里揚言仍不會放棄爭標，而防線近期演出差勁，對住由伊巴謙莫域領導的攻擊線，祖記怎應付？
星期日18 熱刺vs紐卡素
熱刺要爭歐洲賽資格幾已絕望，會否畀面紐記新帥舒利亞，讓他取得領軍後首勝？上場迫和史篤城1:1的紐記仍為護級掙扎，連續兩季在白鹿徑贏波的畫面可否重現？