好多淡友都問，點解周圍經濟未見明顯改善，但股市卻升得咁勁？其實冷血一點講句，股市升跌背後好多時候都毋須理由，話係炒預期復蘇，咁算唔算合理？
中資股係今次升浪領軍主力，無論係紅籌或國企股都各自各精采，去年市場掀起「三通熱」而狂炒過一陣的福建概念股之中，踏入09年表現最好者當數閩信集團（222）。
閩信近期股價走勢咁強，斷估唔係純炒業績咁單純，閩信控股股東近期搞緊合併重組，並已獲證監會豁免作出全面收購，持有閩信41.96%股權的福建投資企業集團，將與其他三家企業合併，組成「福建省投資開發集團」。
憧憬未來獲注資
由於閩信係福建省窗口旗艦，完成重組後，相信未來會獲注入優質業務或資產，可能係閩信呢輪股價咁硬淨的原因。閩信宜候2.80元樓下買入，獲利目標3.50元，失守2.50元止蝕。
方星俠