香港女性從政較輕易，因此卿姐係高官貴賓，葉劉由高官變議員亦大把人支持，東南亞國家女性機會冇咁多，今年9月開學嘅孟加拉亞洲女性大學（AsianUniversityforWomen）希望透過教育改變發展中國家女性命運，呢間大學其中兩個名譽贊助人，分別係前高官陳太同英國前首相夫人彭雪玲（CherieBlair），兩個人今日會出席籌款活動。
陳太話教育係令兩性平等重要途徑，教育可以解放女性心智，令佢哋擺脫貧窮同無知，避免受剝削，喺社會搵到自己角色。彭雪玲則指人才係現時經濟體系最重要資源，較其他天然資源更加珍貴，亞洲女性大學希望可以令南亞或者東南亞國家婦女發揮所長，貢獻自己國家。