憑36D上圍震撼o靚界的趙碩之，入行之初屢被傳黐女不黐男，但近日她身邊又男伴轉不停，性取向成疑。前晚她偕同兩名o靚仔到銅鑼灣睇電影《天煞撞正怪怪獸》，完場後更與同行的o靚仔玩掂手仔，又請坐順風車，確實服侍周到。
年僅21歲的趙碩之去年憑36D上圍彈出，成為o靚界新idol，不過其性取向卻是謎團。之前有傳趙碩之專埋女仔堆，但近月她行街食飯又經常有不同男伴隨行，早前更自稱暗戀一個貌似洪卓立的幕後人云云，姑勿論是真是假，前晚陪她睇戲的其中一名o靚仔，必定跟她情非泛泛。
遇Fans任影
前晚約9時，穿短褲、戴cap帽的趙碩之冒雨出擊，手持雨遮獨自由跑馬地寓所步行往銅鑼灣，行足15分鐘的她，其間「咳」一聲吐痰，但吐在紙巾上再揸埋一嚿放入袋。到達翡翠明珠廣場附近後，有女fans拉着趙碩之合照，她也有求必應，整理胸前衣衫後便埋位影相，交足功課擠出多個表情任影唔嬲，之後才進戲院，在大堂等候友人。
約3分鐘後兩名年約20歲的o靚仔趕至，趙碩之遠遠見他們出現便先走上扶手電梯，兩男接着會合，一起進場睇動畫電影《天煞撞正怪怪獸》（Monstersvs.Aliens）。至約11時半散場，趙碩之與其中一名穿灰衫的o靚仔有講有笑，二人結伴落樓梯時，雖然中間隔着欄杆，但他們越傾越埋甚至掂手仔，男方如執到金一樣笑不攏嘴。
中五已相識
及後趙碩之步往附近商店等候，待灰衫男送同行男友人到地鐵站後，他再折返會合趙碩之齊坐的士，原來女方讓他坐順風車，先在跑馬地放低灰衫男後，趙碩之才原車返家。
其實趙碩之和這名灰衫o靚仔早前曾被拍得密會，可見二人確有交情，昨日記者致電趙碩之時，她指灰衫男是其契細佬，她說：「我哋讀F.5時已經識㗎啦，噚晚另外嗰個男仔係我契細佬啲friend。我唔驚人哋誤會，公司同事同我屋企人都識佢嘅，都冇嘢，睇場戲之嘛。」
採訪、攝影：娛樂突發組
