又3隊入歐聯4強，英超魔力無遠弗屆，從Facebook中便可見一斑，本來個個都在呻不是好多嘢做就是周身病痛，誰不知一到歐聯之夜，就這個說賽前好興奮、那個話比賽途中好肉緊，還有好幾個賽後嘆好心痛。
睇通宵波與上Facebook似乎是個相當妙的配搭，得到「你不會一個人走路」的安全感，朋友喺晒度，比Newsgroup更好的，是你可以揀朋友，全部啱嘴形。
從Facebook朋友的瘋狂程度來看，利物浦最人多勢眾，加上近年的大上大落，紅軍球迷更齊心，所謂患難見真情，若果硬要以Facebook近期大熱的心理測驗來分析，利記fans是一個非常情緒化的女朋友，今日愛到你死，明天嬲你唔知，還要常常問你愛我嗎？直到你高唱U'llneverwalkalone為止。
曼聯fans當然也是人頭眾多，但由於家底雄厚，90後一代年年順境，所以信心爆棚，是為武林正宗；有佢講冇你講，女朋友的話都是女強人那一款，不需你細心呵護，有煩惱的話就球場上見，反正她們永遠是贏家。
阿仙奴fans是比較獨特，個個有性格，正如球隊買球員不要大名只要有潛質，比賽最緊要打得好睇，你的女朋友是阿仙奴躉？她就是那種讀設計出身，穿衣永遠非黑即白的型女吧！你們從不拗撬，一係啱key，一係分手。
還有車路士，fans雖比兵工廠多，但會發言的卻很少。球隊很有power，有人有錢，就是沒有安全感，有點似回歸前的香港，有好日子過，但不知還有幾耐；所謂今朝有酒今朝醉，你女友是車仔fans的話，最緊要送出送入，因為沒有根的她，連sendSMS都費事。
文：馬啟仁