一首《心太軟》，為任賢齊帶來名利，也將他帶來了香港，起初連自己個名都會講成「任人砌」的台灣人，在港打滾近十年一直順利，但小齊指近兩年工作總是一波三折，可算是他在港最坎坷的日子。
任賢齊在港得到過不少機會，不過他笑指近年命運有點坎坷，去年拍了兩套電影，一套《神鎗手》，辛苦拍完，因為其中一位主角陳冠希的慾照風波，遲遲未能上映，最近終於可以面世。另一部與古天樂合作的電影，拍了整整一年，不停被hold期，要推掉部份工作，何時上映還是未知數。
不理銷量免傷心
唱片等了兩年，終於在本月中出碟，名為《齊待》，取其諧音期待，有如他的心情，非常期待新碟推出，小齊日前說：「做呢行就係咁，有好多係未知數嘅，好似之前做嘅嘢，本來有好好嘅計劃，點知所有嘢都延遲晒，跟住家又堆晒一齊，搞到好似好忙咁。」
小齊推出過多張唱片，其中《為了愛而心太軟》一碟曾創下全亞洲銷量300多萬張，另一張《愛像太平洋》在台灣賣136萬張，就連劉德華與張學友都未能打破此紀錄，小齊表示沒有吹牛，一切有紀錄作證：「台灣叫呢個做任賢齊障礙，因為到家都冇人破過，可以話係空前絕後。」
往後每做一張碟都有壓力，近年一張碟要賣到10萬張都難，小齊坦言：「見到賣碟啲數字不停向下跌，真係有啲挫敗感。」所以近年索性不理銷量，免得傷心。
採訪：胡比
攝影：陳慧安
髮型：Billy
化妝：Angle
場地提供：Cucina