【第28屆金像獎之男主角篇 後日舉行】甄子丹憑《葉問》首次角逐今年的香港電影金像獎最佳男主角，作為一位動作演員，能憑一部動作片入圍，對他來說已經是一個很大的驚喜，能順利得影帝更是他的夢想！不過他知道遇到勁敵張家輝，要圓夢絕不容易。
甄子丹憑《葉問》成為影壇當紅炸子雞，今年一口氣接演了五部電影，以他一部片收1,300萬人民幣計算，單是今年就有6,500萬人民幣收入，真是羨煞旁人。這部戲還為他取得香港電影金像獎的最佳男主角提名，可謂雙喜臨門，難怪近期見他總是笑咪咪！
今屆最佳男主角提名中，除了甄子丹，還有《証人》的張家輝、《一個好爸爸》的古天樂、《文雀》的任達華和《赤壁》的梁朝偉，在這幾位對手之中，甄子丹認為誰是最大威脅呢？他說：「每位可以入選嘅演員都有一定實力，如果唔係都唔會入圍啦！外間好似認為張家輝奪獎呼聲最高，我都認同呢個睇法。」
甄子丹沒有奢望首次提名就封帝，他說：「動作演員要拍動作片入選角逐影帝嘅機會其實好微，入到圍已經好難得，我雖然想一嘗影帝滋味，但呢啲嘢冇得夾硬嚟，入圍都好開心啦！希望以後呢類頒獎禮可以對動作片演員改觀，動作片演員一樣係做得好辛苦，有時拍啲難度高嘅動作場面，點只要演技，仲要搵命博呀，你話動作演員拍戲有冇誠意呢？」
為了認清對手實力，甄子丹特別抽時間看了所有對手提名的電影，他說：「張家輝喺《証人》做得好好，導演畀到佢好大發展空間；至於古仔喺《一個好爸爸》表演都唔錯，上半部佢做得特別好，其實我覺得佢喺《保持通話》做得仲好。」
赴美難發展
甄子丹續說：「偉仔就係一個好演員，佢喺每部戲嘅表現都好穩定，佢喺《赤壁》都係保持水準。任達華近幾年演技進步咗好多，特別係拍杜琪峯嘅電影。」在美國生活多年的甄子丹，幾年前在荷李活做動作指導已打出名堂，為何近年回流拍戲？他說：「美國畢竟係外國人嘅地方，華人演員好難有更大發展，所以我決定返嚟香港拍華語電影，我最開心係觀眾對動作演員比以前更加尊重，事實上動作演員嘅賣座力係唔可以忽視，唔係都唔可以攞到咁高片酬。」
計劃退幕後
不過動作演員不可能拍一世動作片，45歲的甄子丹已計劃退居幕後，他說：「我年紀都唔細啦！再打多兩年左右都唔可以咁樣拍動作片啦，所以我如果要繼續喺呢行發展，我就一定要轉型，可能轉做導演或者動作指導，做演員就要拍啲唔使點打嘅戲啦！」
採訪：陳月媚 攝影：陳順禎
場地提供：RedBar
影評人之選
家輝內心戲到肉
本屆金像影帝可算是《証人》的張家輝與《葉問》的甄子丹之爭，兩位好戲之人從影多年，今次均是首度獲影帝提名，競爭更趨激烈。張家輝演繹悲情殺手堪稱度身訂做；甄子丹鐵漢柔情心懷家國也更人性化。
影評人張鳳麟看好張家輝得獎，他認為角色設計令家輝有很大發揮空間，內心戲更淋漓盡致，一改他以往慣演的猥瑣、搞笑形象，雖是反派，但最後關頭仍良知未泯，家輝將角色演得非常到肉。至於甄子丹的《葉問》，張鳳麟認為其演繹方法已收斂不少，但仍有進步空間。
其他男主角提名
