山下智久牛一被質蛋糕

尊尼偶像組合NEWS成員山下智久，本月9號24歲牛一，新一期《女性SEVEN》雜誌偷拍到當晚山下同老友赤西仁、城田優等出外慶祝嘅照片。佢哋喺東京西麻布一間酒吧舉行派對慶祝，仲一齊唱K，壽星仔仲俾人質蛋糕，搞到成面忌廉。有目擊者仲話山下嘅女友浴優以及人氣名模佐佐木希都有到場。日前有傳山下已經同浴優分手，睇嚟佢哋仍然蜜運中。