日本著名女星山口百惠同演員丈夫三浦友和所生嘅24歲兒子三浦祐太朗，去年尾以Yuu之名擔任樂隊PeakySALT主音殺入樂壇，前日佢喺澀谷首次出席公開宣傳活動，並接受當地傳媒訪問。佢話阿爸阿媽好尊重佢入行嘅意願，不過，被問到有冇睇番阿爸阿媽合作嘅作品嗰陣，祐太朗就話因為覺得尷尬，佢每次見電視台深夜重播父母嘅電影，都第一時間轉台。