緋聞情侶胡杏兒及黃宗澤拍拖掘金，昨日兩人出席在尖沙嘴舉行的「MyTVxMSN」活動，情侶檔擔任推廣大使，二人合製手蠟送給大會，黃宗澤還將杏兒緊緊抱住，合拍地手拖手放入一凍一熱的蠟水中，恍如電影《人鬼情未了》（Ghost）中製陶瓷的經典場面。
網上談情
杏兒和宗澤經常分隔兩地，最近男方要到內地拍劇，雙方要靠MSN溝通，故兩人齊賣花讚花香，宗澤說：「我哋喺香港就通電話多，唔喺香港就會用MSN同佢（杏兒）聯絡，好多酒店都有無線上網，好方便，又可以慳番電話費。」情侶檔出席活動，酬勞方面應該很理想，杏兒說：「我哋唔講錢，不過自己最近去咗個偏遠地方拍嘢，當地可以上網好方便，去第二度拍嘢去得耐又可以叫屋企人畀啲貓我睇。」
採訪：楊潔雯
攝影：陳志嵐