o靚模羅凱珊（Kama）人氣越來越勁，不過也越多是非，繼近日傳出被另一o靚模楊穎（Angelababy）與師姐熊黛林夾擊杯葛後，前晚Kama出席亞視頒獎禮時，助手竟霸佔張文慈（Pinky）座位，結果Pinky一怒之下中途離場。Kama上台唱歌時被踢爆咪嘴之餘，動作又相當生硬，看來要惡補歌舞技巧。
近日o靚模界是非頻生，其中羅凱珊和楊穎屢傳不和消息，最近便傳Angelababy和同門師姐熊黛林聯手杯葛Kama，日前Kama更當眾落淚似是受盡委屈。前晚Kama以低胸裙到九展出席亞視的《飲食天王頒獎典禮2009》，同場還有李曼筠（動漫Maggie）和諸葛梓岐，亞視實行以o靚模陣來大搞噱頭。
「我只係想調位」
雖然Kama以低胸裙現身，但動漫Maggie出動性感乳溝，成功撼低Kama和諸葛梓岐。當晚大會安排三位o靚模和其他嘉賓同坐一枱，但Kama助手竟坐了張文慈的座位，當Pinky換完衫返回座位時發現後即開聲叫Kama助手讓座，但她竟扮聽不到，據知雙方擾攘了十多分鐘，最後要亞視公關出面擺平，不過Pinky卻嬲到上完台便中途離開。至於Kama上台唱蔡依林的《說愛你》時咪嘴演出，口形卻完全不夾聲帶，跳舞時手腳又相當生硬。
問到Kama助手霸佔Pinky座位一事，她死撐說：「其實只係想調位，我同助手嚟到大會就安排我哋咁坐。」而助手亦搶着表示沒有搶位，大會一叫她離座她也很聽話。問到會否擔心事件影響形象？Kama語帶無奈說：「希望唔會，原諒我，我乜都唔知，只係搞咗幾十秒。」
「網友話我樣衰」
再提到和Angelababy的是非，會否是樹大招風所致？Kama自貶還有一段距離才到Angelababy的級數，她又澄清自己沒有以低價搶爛市，她無奈地說：「我知有啲網友話我樣衰同扮性感，我知自己唔係好靚，但OK啦，生成咁都冇法。」
致電Pinky向她求證兼問她是否不滿中途離開，她說：「我有啲唔舒服咪走先，係有呢件事，搞到要公關幫手。」對於Kama聲稱只擾攘幾十秒，Pinky笑說：「算啦，事實勝於雄辯，你哋問公關，其他我唔講。」
採訪：何慧斯
攝影：林德雄
