新地（016）執行董事黃奕鑑喺集團做咗28年，係公司老臣子，日理萬機，工作壓力肯定唔細，但佢話有壓力先有進步，最緊要識平衡心理，化解壓力。咁佢工餘會做啲乜呢？
喺新地季刊提到「生活要有規律、要注意飲食、定期檢查身體，千萬不要吸煙」嘅佢，工餘除咗會參加義工服務，就係睇報紙、雜誌、聽音樂、行山、周圍搵美食同旅遊，仲有行商場買嘢，好似同一般人冇乜分別喎。
不過，佢行商場會留意埋商場嘅設計、推廣手法，有乜最新產品同埋顧客嘅消費模式，加強自己對市場嘅觸覺。黃董果然勤力，連放假行街都不忘搵工作靈感。
華華記得新地郭氏三兄弟，假日都好鍾意行集團嘅商場，黃奕鑑呢鋪行商場癮，唔知係咪受到老闆嘅感染呢？
佢逛埋同行嘅商場，知己知彼，肯定有好多好橋提議畀老闆。