兩位唱得之人劉浩龍（左）同周國賢，噚日喺演藝學院綵排舞台劇《我們的華星時代》，點知師兄劉浩龍可能太投入，唔小心踩到周國賢隻手指，搞到佢痛到唔識得出聲。劉浩龍話真係好擔心周國賢受傷影響噚晚嘅首場演出，周國賢就話當時全隻手指麻痹到冇晒感覺，好彩痛完冇事，完全冇影響演出，總算不幸之中嘅大幸。