大姨媽我最不屑好多人，尤其係男人，每當有車左搖右擺，行得慢又或者有突發意外時，第一時間就會話：「一定係女司機啦！」唔係我偏幫女性，女人予人感覺確實係容易驚慌失措，咁都唔使全怪罪於女人身上，莫非交通意外或事故都係由女人所致？
自我當年有車牌起，每逢揸車外出，上高速切線入彎都好，當其他車司機見我係女人，每每流露出「唔係嘛」表情，更試過無數次俾人故意推住行或突然Cut線，又或者打燈想切線時，旁邊架車突然加速硬係唔俾我過。家一把年紀，估唔到一樣遇上呢類賤男，噚日先至因為反應夠快至無發生意外！即係咁，路面已經多突發情況，若然各位司機大佬都以如此態度對待女司機，小心吃虧係你哋，不論男女，大家禮待守讓啲，意外都少啲嘛。
文：大姨媽