花旗股市調整，道指前晚跌回8000樓下，噚日有消息話聯儲局會公佈銀行壓力測試結果，並公開多啲數據，睇嚟花旗股市呢幾日會較波動。
港股噚日先跌後升，市底好硬淨，滙控（005）唞唞氣，改由中移動（941）領軍，中資股個別發展，較有睇頭係煤炭股。
兗煤C輪16537：兗煤（1171）昨收8.04元，升7.3巴仙，前日大成交炒上，噚日跟進嘅買盤繼續增加，睇個勢好快上試位處9.15元嘅250日線，破位睇11元，兗煤向來好有爆炸力，可以諗吓隻C輪16537，揸耐少少睇高啲，隻輪現價40.5仙，有效槓桿1.6倍，正股升上11元，16537睇65.4仙，正股跌穿7元，就沽咗隻輪止蝕。
俊樺