【本報訊】長實集團主席李嘉誠將尖沙嘴前水警總部改裝得面目全非，引起社會質疑政府把歷史建築「外判」保育的做法。有古物諮詢委員會成員擔心，有逾百年歷史的舊大澳警署，今年初批給信和置業旗下的非牟利機構營運，隨時會步前水警總部的後塵。
失去原有風貌
古諮會昨日開會，聽取信和簡介舊大澳警署活化成為精品酒店的計劃。主席陳智思直言，擔心舊大澳警署會變成前水警總部的翻版，「家睇相就好靚，但出到嚟仲係咪咁？到時會唔會冇晒啲樹？」另一成員吳祖南憂慮，信和只着重保留1902年的歷史，「嗰盞1970年嘅探射燈，都好有意義，照住嘅海域，當時仲係中港邊界。」他又擔心若精品酒店太受歡迎，會大幅增加大澳的人流，屆時整個大澳大興土木，失去了原有風貌。
親自披甲上陣做簡介的信和執行董事、「太子爺」黃永光表示，會保留現時酒店四圍綠樹林蔭的原貌，只有後面山坡上少量樹木需要砍伐，以闢出部份地方建築新設施，又重申項目毋須補地價及政府補貼，酒店須自負盈虧，「9間酒店房同一間餐廳已經夠，到時會盡量畀市民參觀。」