陳志雲接受商台節目《嘩！嘩！嘩！打到嚟》訪問，節目中他面對面指節目主持人之一王貽興古怪，離開TVB後大講公司不是，又踢爆他推劇。身為陳志雲舊日愛將之一的王貽興立即澄清，更解釋當日只想嘗試不同的工作。
無綫總經理陳志雲昨日凌晨到商台擔任《嘩！嘩！嘩！打到嚟》嘉賓，而節目主持之一為陳志雲舊日愛將王貽興。之前有消息指王貽興對舊僱主無綫要求多多，既要保持文人形象又要保持出鏡率，最後解約離開。
陳志雲被主持人吳君如問到在無綫多年，唯一的陰影是甚麼事？他笑說：「我唔知點解王貽興離開TVB，猛話TVB唔好又話做得唔開心。佢話做主持冇得發揮，係畀稿佢讀，但啲稿又寫得唔好。」王貽興即回應說：「我冇講過，完全冇講過喺TVB唔開心，冇講過唔好，可能係以訛傳訛。」
家中除衫減壓
接着陳志雲再出招說：「佢好怪，唔知佢想點。佢唔鍾意拍劇，當時有套劇搵佢拍，係《野蠻奶奶》入面做許紹雄年輕時候，佢打畀我問可唔可以唔拍。」君如聞言即笑說：「佢梗係唔拍啦，佢一向以為自己係一個靚仔。」不過王貽興解釋只是希望嘗試不同的工作、希望有不同的發揮空間。
陳志雲對於杜琪峯批評他騎呢人做騎呢台一事，他坦言沒有為此生氣，他說：「阿杜都係無綫出身，佢咁講都係為咗個台好，佢唔係惡意咁講，佢冇理由要憎TVB。」陳志雲又自爆在家中會拉上窗簾除衫減壓，他說：「着住件西裝好似盔甲咁，所以返屋企我就卸甲。」此外，君如在節目中澄清早前與吳綺莉茶敍，並非協助對方找成龍與女相認，她說：「真係無中生有，三個靚女飲茶啫。」
採訪：林惠卿