腸粉配甜醬，牛雜配芥末醬，每種食物都總有絕配的醬汁。每年一度的麥樂雞風味醬再次出籠，今次由何韻詩帶頭騎着木馬大玩dipping，率先試點風味醬新作「蒜蓉辣椒醬」，大讚新醬啖啖東南亞風味！
記者：王震遠
攝影：梁細權
Wardrobe：A.P.C
Hair：Heibie@HairCulture
Makeup：ArrisLaw
繼容祖兒左shake右shake後，由何韻詩接棒dip醬。這名新上任的代言人，對醬汁認識不淺，平時還會下廚，「平時去外地做嘢，有時間我都會行吓超市，買一啲地道食材，將材料同醬汁mix&match，煮出唔同嘅菜式。」不只自己混醬，在讀書時代已對醬汁有特別偏好，「我好鍾意甜甜酸酸，好開胃，平時食一包薯條，會落成三包茄汁！以前喺加拿大讀書，食物唔啱胃口，我就惟有茄汁撈飯，慢慢變成無茄汁不歡。」那麼鍾愛茄汁，到麥當勞吃麥樂雞，又會點甚麼醬？「基本上咩醬都會點，呢次新出嘅蒜蓉辣椒醬，好惹味，蒜蓉味又香，又有微微嘅辣椒味，用嚟dip麥樂雞好好食。」原來鬼馬的阿詩，食麥樂雞也有自己的一套見解，「麥樂雞要食得好味，最重要係趁熱食，同大班朋友一次點足幾隻醬，一口一件，咁樣先過癮！」今次同期推出四款麥樂雞風味醬，款款都有不同的亞洲風味，愛吃麥樂雞的阿詩，一定食唔停口。
日式咖喱醬
「我好鍾意食日本咖喱，比較甜無咁辣。食呢個醬好似食緊咖喱豬扒飯咁，我都好鍾意。」
蒜蓉辣椒醬
「本身唔太食辣，但呢個辣味好正，好有泰式感覺，辣辣哋加埋蒜蓉香味，好好味，真係忍唔住口。」
馬來沙嗲醬
「好有去馬來西亞食串燒嘅感覺，好香沙嗲味，又唔太辣，配埋麥樂雞嘅脆皮都幾正。」
新加坡蜜糖芥末醬
「平時食麥樂雞我都會叫芥末醬，呢個芥末醬多咗蜜糖味，味道甜啲，溫和啲，比起以前嘅更加鍾意食。」
有得儲 有得Dip
年前的「點Jack」點醬旋風，引起坊間一輪儲卡熱潮，粉絲們紛紛喪食麥樂雞，換取點Jack卡，務求獲得食足一年麥樂雞的大獎。今年同樣推出「點住拼」拼圖遊戲，只要儲齊指定圖案，同樣有機會贏得365份麥樂雞（每份6件）。這次麥樂雞風味醬譽滿歸來，由新口味的「蒜蓉辣椒醬」領軍，連同過往受歡迎的新加坡蜜糖芥末醬、馬來沙嗲醬和日式咖喱醬登場，有得食有得dip，十分過癮。新口味「蒜蓉辣椒醬」，充滿辣味，直接刺激味蕾，蒜香味十足，越食越醒神。
麥樂雞超值套餐$24.8（6件裝）$27.8（9件裝）
麥樂雞單售$12.8（6件裝）$16.8（9件裝）
全線麥當勞
查詢：28807300
供應期：4月16日至5月20日（早上11時後）
海洋公園、沙田馬場及跑馬地馬場分店將不會供應
水果醬配粗薯條
愛爾蘭瘋薯殺入香港，不但掀起一股薯條熱風，還引起街頭dipping的熱潮。主打的美國粗薯條，全部有柯打才即炸，新鮮熱辣送到客人的手中，難怪等候需時，依然人龍不減。不只薯條，瘋薯還漸漸增加了雞肉粒、芝士棒、芝士球、洋葱圈等等炸物，吃厭了薯條也可試試新口味。店子的靈魂不在薯條，應該是花樣眾多的醬汁，共有17款不同口味的dippingsauce選擇，最經典的如芝士、酸忌廉等都在列中，還有6款新穎的水果醬汁，味道相當特別。明白了店名點解叫瘋薯，因為選擇多得要瘋狂的食足幾個禮拜才能試晒所有的醬汁！
特調酸忌廉配薯條$25
酸忌廉的味道不濃，只有微微的酸味，口感清新，平衡了油膩感，多吃薯條也不覺滯。日式芥辣沙律醬配薯條$23
桑果醬配薯條$23
以健康食材桑果來做醬汁，感覺很健康的果味，除了淡淡的果香，微酸但帶強烈的甜味，味道天然。
熱情果醬配薯條$23
入口一股亞熱帶風味，熱情果味道豐富香甜，帶強烈果酸，又有蜜糖味道，十分開胃醒神。
愛爾蘭瘋薯（21510887）
旺角登打士街43P-43S號鴻輝大廈地下43SB舖
