有消息指尹志強的好友早前答應捐出200多萬醫藥費，不過金融海嘯後有人縮沙，米雪被指將醫藥費落格，令尹佬的家人不悅。
米雪昨日到荔枝角拍攝劇集《宮心計》，問她是否收了200萬元醫藥費，及是否有籌錢一事，她說：「冇，希望大家祝福我男朋友身體健康，唔好好似咒佢咁！」
與妹妹同住
譚詠麟（阿倫）昨日出席亞視活動時說：「米雪唔係啲落格嘅人，冇可能，佢咁多年咁辛苦撐住幾頭家，係讚揚先啱，幫尹佬籌啲錢夠佢用，係用基金形式，尹佬出咗院，情況OK。」有指尹佬視力出問題，阿倫說：「我熄咗燈都睇唔到嘢啦。」羅家英昨日在電話中說：「有好多朋友擔心尹佬啲醫藥費，聽講佢搬咗去同個妹住。」
採訪：卓寶花、丁寧
攝影：仇志德