王晶和葛民輝昨日在將軍澳錄影《星星同學會》，他們跟吳君如大談今集主題「橋王」。王晶出品過無數搞笑電影，同時捧紅不少性感女星，講到度橋，他說：「今次都係講吓以前嘅事，又講吓其他演員，好似講吓周潤發拍《孔子》，君如就叫我開套戲畀佢，咁我咪話開套《孟母三千》，不過係講老千。」
曾經好老友
講到拍搞笑片，不得不提當年與王晶合作無間的周星馳，王晶說：「都有提佢，都係讚多過彈。」提起周星馳最近被人炮轟，王晶說：「佢脾氣係古怪啲，但我唔會炮轟佢，我明白佢都冇必要同大家好好相處，呢個係佢性格。」問王晶究竟周星馳有否跟他好好相處過？他說：「試過，好老友㖭。」
採訪、攝影：楊潔雯