繼Canon話出部500D入門單反後，Nikon好快咁又話出部D5000。佢最大賣點當然係扭芒設計，而且學足自家初中階的D90一樣，有得拍片，但無機身摩打。再睇個規格，1,230萬像素CMOS，仲有11點對焦，D-Lighting、3DTracking動態追焦等等，真係好唔只入門咁簡單。難怪有已買D90或想買D90的，大講唔知點算好，認真打人時打埋自己。
不過新機細部啲，變相又玩具咗；買鏡頭時唔識用手動對焦的話，又要選買有鏡身摩打的，又係使多咗錢。反而買咗D60就弊啲，因為除了一樣無機身摩打外，樣樣都勁過D60。至於價錢，Amazon的KitSet預訂價，大約是$6,300，講緊係跟18-55mm咋！如果跟同樣傳在5月出的AF-S10-24mmDX廣角鏡，一定唔只呢個價，呢支鏡散買，估計都4至5千蚊。
記者︰陸俊雄
